ووجه الرداد، عبر تدوينة طويلة نشرها عبر حسابه على إنستغرام، اللوم إلى بعض المنابر الصحفية التي قامت بنشر الخبر دون التأكد من صحته، حيث قال: "بالنسبة للمواقع الصفراء الرخيصة اللى كتبت أخبار غير صحيحة عن حماتي دلال عبد العزيز، يا ريت تحترموا نفسكم شوية. اللي بينزل أخبار غير صحيحة تخص حياة إنسان عشان يعمل ترند على موقع يبقى واحد مش محترم ولا يحترم المهنة بتاعته اللي ألف باء فيها وجوب تحرى الدقة".
وتابع: "احنا بقالنا شهور في المستشفى وكلنا متواجدين مع حماتي و قاعدين قدامها 24 ساعة رامي وإيمى ودنيا وأنا وفجأة يجيلنا سيل مكالمات ورسائل من كل أهلنا و حبايبنا بيطمنوا. حقيقي عايز أسأل اللي كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه أو ممكن يحصل له إيه على ما يتاكد أن الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل".
© Copyright : DR
وتجدر الإشارة إلى أن إشاعة وفاة الفنانة دلال عبد العزيز شكلت صدمة لجمهورها ولزملائها الفنانين، حيث صدق بعضهم الخبر وقاموا بتداولهم عبر حساباتهم على مواقع التواصل الاجتماعي، الأمر الذي زاد من انتشار تلك الإشاعة.
