تامر حسني يرد على هجوم حلا شيحة: "تقاضيْتي مقابل ذلك"

DR

في 15/07/2021 على الساعة 13:56

نشر الفنان تامر حسني رده على منشور حلا شيحة والتي قامت فيه بالهجوم عليه بسبب عرض كليب يجمع عدد من مشاهدهما من فيلم "مش أنا"، وذلك على حسابه بموقع التواصل الاجتماعي إنستغرام.

وقال تامر حسني: "نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه وكان في بينا كل خير للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني وبينك، فأنا مضطر أرد هنا برضو".

وتابع حسني، موجها حديثه لحلا شيحة، وقال: "أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف… الحقيقه أني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، و بعدين الفيلم بقاله 3 أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا، وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه!".

نهاركم جميل يا أغلى الناس 🤍 الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير...

Posted by Tamer Hosny on Thursday, July 15, 2021

وأضاف تامر قائلا: "هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك ؟!!!!!! وللتوضيح للجمهور الكريم أنا والمخرجه الأستاذه ساره وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!! وبقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطه مسبقه في الدعايه وإنتي عارفاها كويس ووافقتي عليها ودا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!!"

اختتم حسني حديثه قائلا: "أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطله ليا إحتراماً لحجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا وهكتفي بالتوضيح دا وربنا يهدي الجميع ويكتبلك كل الخير اللهم آمين" .

وكانت حلا شيحة قد هاجمت تامر حسني عبر حسابها على موقع انستغرام، وذلك عقب نشر كليب من فيلم "مش أنا" وأعلنت توبتها وندمها على تصوير الفيلم.

في 15/07/2021 على الساعة 13:56