وقالت عبير، في سلسلة فيديوهات نشرتها عبر ستوري حسابها على الانستغرام: "كتقولي كنتي محتشمة، أنا ماكنتعراشي عليكم فالفيديوهات ولا فالستوري، وزيدون وزيادة وصلنا لواحد المرحلة كنظن لي كل واحد خاصو يتعلم يديها فسوق راسو".
وتابعت: "كيفما أنا كنحتارم حرية واحد آخر يلبس كيفما بغى، عطيو الناس التيساع خليوا الناس يبقاو مرتاحين فدماغهم، بالنسبة للنساء كنهضر خصوصا مع العايلات، لانو حنا فالصراحة كنجبرو مشاكل مع النسا كثر من الدراري".
وأضافت: "أختي المحجبة ماشي كاميلين طبعا مع كل احترامي للجميع، أنا ماما عاملة السبنية وأنا شخصيا كنقولها حيدها، فا ما تبقاشي تجي تعملي كومونطير تقولي أنا محجبة وانا كذا وستري راسك، انتينا محجبة برافو برافو.. كلشي عقلو فراسو مابقيناش فزمن ديال نشر الدعوة، كلشي عقلو فراسو وعارف شنو كيصلاحلو، مدام ماكنقربش ليك لحريتك، ما كنآديكش، ماكنستفزكشي، عفاك عطيو التيساع شوية للناس، قولو كلمة خير قولو نصيحة خير، واخا أنا النصيحة ايلا ماطلبتهاش منك ماعندي ماندير بيها".
يذكر أن الفنانة عبير العابد قد نشرت يوم الاثنين المنصرم صورتها وهي ترتدي لباس البحر، مما عرضها لموجة من الهجوم من طرف رواد مواقع التواصل الاجتماعي الذين اعتبروا اطلالتها جريئة.
