وقالت داليا في تدوينة نشرتها عبر الفيسبوك: " أحب اطمنكوا جميعًا نتيجة المسحات طلعت وألف حمد وشكر ليك يارب كلها طلعت سلبية ليا وللولاد كلهم والمساعدين في البيت شكرًا يارب علي كرمك... أحب أطمنكوا كمان إن "حسن" الحمد لله كويس وبيشكركم كلكم على الرسايل والتليفونات بجد حبكم لينا ومساندتكم لينا عندنا بالدنيا وأحلى نعمة من ربنا".
وتابعت: " آسفة إني ساعات مش بلحق أرد على كل مكالماتكم أو بضطر أقفل في نص المكالمة عشان دكتور بيتصل على الناحية التانية أو معمل أو صيدلية... بجد بشكركم على جمال قلبكم وإهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا... أنتم جميعًا فوق الراس وجوه القلب... ربنا يحفظكم جميعًا من كل شر ويحفظ عائلتكم وحبايبكم".
وكانت داليا قد أعلنت في وقت سابق عن إصابة زوجها بفيروس لتنبه كل المخالطين له بضرورة الخضوع للتحليل بدورهم وحتى لا يخجل باقي المصابين من الإعلان عن مرضهم بهذا الفيروس حتى لا يساهموا في تفشيه.
وقالت في تدوينة نشرتها على الفيسبوك : "أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها”.
ويذكر أن زوج داليا البحيري، حسن سامي، قد سبق وأعلن بدوره عن اصابته بفيروس كورونا المستجد، وطالب من المخالطين له أن يقوموا بإجراء الفحص المخبري حتى يتأكدوا من عدم إصابتهم بهذا الفيروس.
