وقالت رجاء خلال مداخلة هاتفية في أحد البرامج الإذاعية: " أُصبت بالفيروس في آخر يوم تصوير بمسلسل "لعبة النسيان" بطولة الفنانة دينا الشربيني، وقد اضطررت للتصوير في ظل أزمة "كورونا" بسبب التزامي بالعقد الذي وقعته مع الشركة المنتجة.
وأضافت: “أنا كنت باخد كل إجراءات الوقاية لكن لو اللي حوالينا مش واخدين إجراءات يبقى أكيد هيبقى فيه مشكلة، إحنا عاوزين نخاف أكتر على ولادنا وأهلنا، ولازم نخاف على بعض أكتر من كدة”.
وأردفت: “أنا بشكر الناس كلها، ويمكن دعم الناس هو اللي مخليني أتحمل اللي أنا فيه، ربنا يكرمهم وماسمعش عن حد منهم أي سوء”.
ووجهت رجاء الجداوي رسالة لجمهورها منن داخل الحجر الصحي بالمستشفى قائلة: “ياريت ماحدش يستهون بالمرض ده، لأن إحنا بنتعامل مع شبح مش عارفينه، ومش عارفين إحنا ممكن ناخده من مين، يجوز اللي جنبك حامل للميكروب ومش باين عليه أي أعراض، ياريت الناس كلها تتخذ إجراأت الوقاية، وربنا يعدي الأزمة دي على خير”.
وأشارت رجاء في حديثها إلى أن مصر لن تستطع الاستمرار في هذا الوضع طويلا، بسبب تكلفة التي تتطلبها رعاية المصابين في مستشفيات العزل.
ونشر برنامج "ET بالعربي" عبر حسابه على الاستغرام، أول صورة للفنانة رجاء الجداوي من داخل مستشفى عزل أبو خليفة بالإسماعيلية.
وظهرت الفنانة رجاء الجداوي في هذه الصورة وهي مستلقية على السرير وأمامها مصحف كبير.
