وقال الشوبي في تدوينته، التي أشاد من خلالها بموهبة مهدي في التمثيل: "عرفته باقي فزغول وكان عزيز عليه يتخشى بين أصحاب باباه وكان فعينيه بريق ديال النشاط والإقبال على الحياة وكبر فدروب الخشبات وبين خطوات الأهل والأحباب وبدأ كيجرب راسو فمجموعة من الأعمال ولا قول كيجربوه حتى بان ليهم الدري غادي فالصواب ومواكب گرانو وبداو كيثيقو فيه يهز لحمل معاهم فأعمال صعيبة".
وأردف قائلا: "وا ناري ملي كتدخل لحلبة السباق خصك تجي معاهم لاصق ولا بقا حتى ينساوك، المهدي هاد الموسم دار تنقيزة واعرة دخلاتو لقاع الحرفة دبا لي بغا يعتامد عليه عارف بللي الشاب كاين، سند ليه المخرج نصرات وخالد النقري هاد الدور المتوحش والمركب وزططو".
وختم الشوبي تدوينته بالحديث عن شخصية مهدي فولان في مسلسل "ياقوت وعنبر"، قائلا: "قنعني أنا بعدا بلي هديك الشخصية واخا كتبان بنت الكلب راها ضعيفة ومغلوبة على أمرها، برافو المهدي فولان سير عالله وعيق بالمسؤولية لي كتفتي بيها مستقبلك الفني، المهدي لا تراجع اكمل".
يذكر أن مهدي فلان يشارك، خلال الموسم الرمضاني الحالي، في المسلسل المغربي "ياقوت وعنبر"، الذي يعرض على القناة الأولى المغربية، وهو من تأليف سامية أقريو وسيناريو وحوار سامية أقريو ونورا الصقلي وجواد لحلو، وإخراج محمد نصرات.
