أمين الناجي كتبت على حسابه «#دير_فحالي.. يقدر يكون ميساج بسيط مهم جدا باش ناس تحس أنه الوقاية من كورونا ماشي شي حاجة غير زايدة... لذلك كنقول ليك حاول دير فحال… ».
وتابع « ما تحشماش من أنك ما تسلمش باليد ولي مد ليك يدو قول ليه لاااااا... قال ليك خيف كين موت وحدة... جوبو موت غير بوحدك…، مبلي بالقهوة ما بغيش تفرق معاها هذه الأيام... هز معاك كاسك... ولا شي باكية تاع ليغوبلي... أنا من اليوم قررت نو جلوس المقهى…، شري معقم سائل ديال اليدين... ديرو في جيبك... ما تحشمش من استعماله... كل ما احتجت جبدو من جيبك ومسح بيه يدك… ».
وأضاف الممثل الشاب «لي كيشرب يوقف الشراب في البار... خاصة أنه حانات المغرب أماكن مغلقة... وخطر على الجميع... شري شرابك وشربو دارك…، كتصلي راه الأجر كين حتى في الدار... قلل من الذهاب للمسجد... وراه الله الذي تعبد يوجد أين ما وليت وجهك وفي أي مكان كان…، دخل للدار ما تسلم على تاحد حتى تغسل يدك مزيااااان... كنت عكست ولاكحبت برا على حويجك... دخل نيشان للمراحض حيدهم ولوحم وسط ماكينات الصابون... ولارقدهم وسط الما ومسحوق الغسيل... عاد غسل يدك…، خلي ديما الدار فين الساكن مهوية ».
وأضاف الناجي «تطلع لأي وسيلة نقل عمومية منين تهبط عقم يدك مزياااان... كانت عاااامرة فضل ما تركبش…، ما تدفلش في الفضاءات العامة... الا فيك قاعدة خيبة حاول تمشي شي قنت لي بعيد... فيه التراب... أو ديرها وسط حاوية أزبال تغلق…، رفض تشري أي حاجة عريانة لا يمكن غسلها فحال الخبز تحديداً... هنا ما كرهتش الدول تاخذ قرار نهائي تمنع عرض الخبز بالطريقة المغربية للبيع ».
وطالب الناجي بتبليغ الجهات المعنية في حالة الشك في إصابة أحدهم، حيث قال «ما تحشمش تبلغ على أي حالة شاك فيها... ما تحشمش تبلغ على أي واحد ينشر أخبار غالطة... ما تحشمش طلب تشوف الطبيب الا شكيتي في راسك... والا كانت حالتك صعبة عزل نفسك على الناس ».
وختم رسالته بـ«حاول يكونو عندك الأساسيات ديال المؤونة في الدار... الأساسيات لي تحتاجها... ماشي جعرة والهلع ديال نشري كلشي…، ما تقاسمش أشياءك مع الناس ولو العائلة... وما تحشمش من هذه الأمور…، عكس وكحب في حويجك أفضل حل، (كاع لي عندو نصائح يتقاسمهم مع الناس).
«#دير_فحالي يقدر يكون ميساج بسيط مهم جدا باش ناس تحس أنه الوقاية من كورونا ماشي شي حاجة غير زايدة... لذلك كنقول ليك حاول... تم النشر بواسطة Amine Ennaji في الجمعة، ١٣ مارس ٢٠٢٠»
