بالفيديو: كريمة غيث تبكي بعد وصولها لأعلى قمة في افريقيا

ونشرت كريمة عبر حسابها على الانستغرام مجموعة من الفيديوهات والصور تظهر المراحل التي مرت منها خلال تسلقها للجبل، ونشرت صورة للحظة وصولها إلى القمة وعلقت عليها قائلة: "كانت رغبة فالأول من بعد تحولات لحلم، كان كيبان صعيب، لكن فالحقيقة هو أصعب مما كنت أتخيل، تساؤلات راودتني علاش أنا هنا؟ عييت، بغيت نرجع، لا كريمة كملي ايلا رجعتي غادي تكون نقطة سوداء فحياتك، نقطة ضعف وانتي لستي بالضعيفة، كملت، استحملت، أشياء لأول مرة كنقوم بيها، ناس لأول مرة كنشوفهم، وبلد لأول مرة كنزورها".

وتابعت: "أسبوع بعيدة عن أخبار عائلتي وأحبابي.. كل ليلة كنت كنجلس مع راسي، كنقرا، كنفكر، كنعس ونعاود نفيق مستنية الغد لبداية مغامرة جديدة.. آخر نهار خرجنا مع 2 ديال الليل فالظلام لمدة 6 ساعات .. حسيت بضيق فالتنفس وجاتني الدوخة وبديت كنتقيا حسيت بالجسد ديالي مبقاش مساعدني لكن كنت كنطلب من الله يعطيني القوة نكمل.. وقلت أن ماما غادي تكون فإنتظاري فالقمة، كانت هي الدافع الوحيد اللي خلاني نكمل ( شكراً ليك ماما أنكي عطيتيني القوة والشجاعة والارادة باش نتخطى حوايج كتار، شكراً لأنك ديما فعقلي وقلبي ومرافقاني فالسراء والضراء) وصلت للقمة وحققت حلم من أحلامي واليوم أنا أقوى وعارفة أن القادم أجمل إنشاء الله".

يذكر أن كريمة قد حققت قبل هذا التحدي، تحدي آخر في المغرب، حيث تسلقت أعلى قمة في بلدها وهي قمة جبل توبقال.