تامر حسني يرد على منتقدي صورته قبل الشهرة

وكتبت تامر «لمن يهمه الأمر.. من يومين نزلت صوره ليا وأنا صغير وشغلت ناس كتير وفضلوا يتريقوا على الصورة، في الحقيقه إني فالوقت ده فعلاً كنت بحاول أقلد المشاهير في صورهم وأفلامهم وحراكاتهم، وبغض النظر عن أن فالوقت ده كانت الموضات شبه كده وأنا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده أب يشتريله حاجه أصلاً ».

وتابع نجم الجيل «اللي عايز أقوله إني من يوم الصوره دي وأنا حالف إني أتصورها بجد وأنا مشهور، الصوره دي بتثبت لأي شاب إيجابي إن مفيش مستحيل واللي عايز يتريق على الولد اللي فالصورة، هقوله يارب تنجح زيه، أنا فخور بالصوره دي وانهارده بقول للولد الصغير ده إنت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على أهلك من وإنت فالسن ده ».

وختم رسالته التي حظيت بتعليقات كثيرة من قبل متتبعيه «شكراً يا ولد يا صغير إصرارك عمل مني راجل إنسان فنان اسمه تامر حسني »، وكانت النجمة عبلة كاملة والممثلة انتصار من بين أهم التعليقات التي أشادت بكلمات تامر حسني، حيث قالت عبلة «الاصرار سر النجاح، منشور جميل حبيبي تامر إنت قدوة للشباب »، في حين قالت انتصار «راجل الولد الصغير ».

© Copyright : DR